*برش رمضان الثقافي*
✏️ *علي شمس الفلاح محمد*
للشاعر ﻃﻪ ﻭﺩ ﺍﻟﺸﻠﻬﻤﺔ للعلم هو ﻋﻠﻢ ﻣﻦ ﺃﻋﻼﻡ ﺷﻌﺮﺍﺀ ﺍﻟﺒﺎﺩﻳﺔ ﻭ ﺭقماً ﻛﺒﻴﺮاً ﻻﻳﻤﻜﻦ ﺗﺠﺎﻭﺯﻩ ﻭﺧﺎﺻﺔ ﻓﻲ ﻭﺻﻒ ﺍﻟﺒﻄﺎﻧﺔ ﺍﻟﺘﻲ ﻭﻟﺪ ﻭﺗﺮﺑﻲ ﻭﻋﺎﺵ ﻓﻴﻬﺎ ﻭﻟﺬﺍ ﻫﻮ ﺑﺪﻭﻱ ﺍﻟﻨﺸﺄﺓ ﻭﺍﻟﻠﻐﺔ ﻭﺍﻟﻨﻔﺲ ﻭﻇﻬﺮ ﺫﻟﻚ ﻓﻲ ﺷﻌﺮﻩ ﻭ ﻭﺻﻔﻪ ﻭﺃﻣﺘﺎﺯ *ﻃﻪ* ﺑﻴﻦ ﻗﻮﻣﻪ ﻭ ﺗﻔﻮﻕ ﻋﻠﻲ أﻗﺮﺍﻧﻪ ﺑﺴﺮﻋﺔ ﺍﻟﺒﺪﻳﻬﺔ ﻭﺍﻟﺬﻛﺎﺀ ﻭﺻﻔﺎﺀ ﺍﻟﺮﻭﺡ ﻫﺬﻩ ﺍﻟﺼﻔﺎﺕ ﺍﻟﺘﻲ ﺟﻌﻠﺖ ﻗﺮﻳﺤﺘﻪ ﻣﺘﻮﻗﺪﺓ ﻛﺘﺎﺑﺎﺗﻪ ﺍﻟﺠﻤﻴﻠﺔ و ﻓﺘﻨﺖ ﻗﻠﻮﺏ ﺍﻟﻜﺜﻴﺮﻳﻦ ﻣﻦ ﻣﺤﺒﻲ ﻭﺭﻭﺍﺩ ﺍﻟﺸﻌﺮ و ﻛﺘﺐ ﻓﻲ ﺿﺮﻭﺏ ﻋﺪﻳﺪه ﻭأﺑﺪﻉ ﻓﻲ ﻛﻞ ﺿﺮﺏ و أﻣﺘﺎﺯ ﺑﻘﻮﺓ ﻭﺑﻼﻏﺔ ﺍﻟﻮﺻﻒ …
ﻛﻤﺎ ﻗﺎﻝ ﻋﻨﻪ : ﺷﻴﺦ ﺍﻟﻌﺮﺏﺍﻟﺸﺎﻋﺮ أﺣﻤﺪ ﻋﻮﺽ ﺍﻟﻜﺮﻳﻢ أبوﺳﻦ *ﻃﻪ ﻣﺎﺧﻠﻰ ﻓﻮﻕ ﻭﺵ ﺍﻟﻮﺍﻃﻪ ﻭﺻﻒ ﻟﻲ ﺷﺎﻋﺮ ﻳﺸﻜﺮ ﺍﻟﺒﻄﺎﻧﺔ ﺍﻟﺪﺍﻳﺮ ﻳﺘﻜﻠﻢ ﺍﻻ ﻳﺤﻔﺮ ﺗﺤﺖ ﺍﻟﻮﺍﻃﻪ* !!
ﻭﻫﺬﺍ ﻫﻮ ﺣﺎﻝ ﻃﻪ ﺷﺎﻋﺮ ﺣﺴﺎﺱ ﻭﻋﻔﻴﻒ ﺟﺪﺍً ﻭﻧﻘﻴﺎً ﻓﻬﻮ ﺭﺟﻞ ﻣﺘﺼﻮﻑ ﻭﺫﻛﺮ ﻛﺘﻴﺮ ﻣﻦ ﺍﻻﻭﻟﻴﺎﺀ ﻭﺍﻟﺼﺤﺎﺑﺔ ﻓﻲ أﺷﻌﺎﺭﻩ ﻛﻤﺎ ﻣﺪﺡ ﺍﻟﺮﺳﻮﻝ ﺻﻞ ﺍﻟﻠﻪ ﻋﻠﻴﻪ ﻭﺳﻠﻢ ، ﻃﻪ ﺍﻟﺸﺎﻋﺮ المتأﺩﺏ ﻣﻊ ﻛﺒﺎﺭﻩ ﺍﻟﻤﺤﺒﻮﺏ ﻟﻜﻞ ﻣﻦ ﻋﺮﻓﻪ ﻟﻢ ﻳﺬﻛﺮ إﺳﻢ ﺍﻣﺮﺍﺀﺓ ﻓﻲ أﺷﻌﺎﺭﻩ ﻋﻠﻲ ﺍﻻﻃﻼﻕ …
ﺳﺒﻌﻴﻦ ﻓﻲ ﺍﻟﻌﺪﺩ ﺃﺳﻤﻚ ﺑﺠﻴﺒﻮ ﺃﺑﺠﺪ
ﻭﺃﺭﺑﻌﺔ ﻓﻲ ﺍﻟﺼﻼﺡ ﻻﺗﻨﻘﺬﻩ ﻭﺍﻟﺴﺪ
ﻋﺒﺪﺍﻟﺒﺎﻗﻲ ﺃﺑﻮﻱ ﺍﻟﻔﻲ ﺍﻟﺮﺟﺎﻝ ﺳﻴﺪ
ﻋﺎﺻﺮ ﻟﻠﺮﻛﺎﺏ ﻻﻣﻦ ﻳﻘﻴﻒ ﺍﻟﺤﺪ
……
ﺳﺒﻌﻴﻦ ﻓﻲ ﺍﻟﻌﺪﺩ ﺃﺳﻤﻚ ﺑﺠﻴﺒﻮ ﺑﻴﺎﻥ
ﺃﺭﺑﻌﺔ ﻓﻲ ﺍﻟﺼﻼﺡ ﻻ ﺗﻨﻘﺬﻩ ﻭ ﻧﺠﺮﺍﻥ
ﻋﺒﺪﺍﻟﺒﺎﻗﻲ ﺃﺑﻮﻱ ﺍﻟﻌﺎﺑﺪ ﺍﻟﻤﻨﺎﻥ
ﻋﺎﺻﺮ ﻟﻠﺮﻛﺎﺏ ﻻ ﺻﻴﺤﺔ ﺍﻟﻔﻨﺎﻥ
…………
ﺳﺒﻌﻴﻦ ﻓﻲ ﺍﻟﻌﺪﺩ ﺃﺳﻤﻚ ﺍﻟﻤﻌﻠﻮﻡ
ﻭﺃﺭﺑﻌﺔ ﻓﻲ ﺍﻟﺼﻼﺡ ﻻﺗﻨﻘﺬﻩ ﻭﺍﻟﺮﻭﻡ
ﻋﺒﺪﺍﻟﺒﺎﻗﻲ ﺃﺑﻮﻱ ﺍﻟﻌﺎﺑﺪ ﺍﻟﻘﻴﻮﻡ
ﻋﺎﺻﺮ ﻟﻠﺮﻛﺎﺏ ﻻﻣﻦ ﺍﻟﻘﻴﺎﻣﺔ ﺗﻘﻮﻡ
…………
نحمد ربنا الخصانا بيها عرفتك
وعجبت نفسي فوق طول البطول وشرفتك
توسيلك بالنبي و وصل الصحابة حرفتك
تقيل رحلك بقص ضهر البهبشو فرقتك
………..
عندو الحد بقيف ومنو الكضب متناصل
وإت عارف براك ما عندي منك فاصل
بيني وبينو تلفون الخبر متواصل
إت ملزوم وأنا الكسلان وهاده الحاصل
………
خلونا النقارن بي البسيط الساهل
دربك وكر ممنوع يا التسابك باهل
درجات الفحول نطيتة زمناً جاهل
منو البعرف عرفتك وفي الصحابة مواهل
………
مما قمت حاشا عليك ما بتتلام
رحمه جابك السيد من شروق الشام
الجادع حمولو عليك فايق نام
جياب الخبر مرحب حباب أبشام
………
ﺷﺎﻋﺮﻙ ﻫﻦ ﺷﻜﺮﻙ ﻵﻣﻦ ﻟﺴﺎﻧﻮ ﺍﻧﺴﻠﻪ
ﻣﺎﺑﻴﻌﺸﺮ ﻓﻀﺎﺋﻠﻚ ﻳﺎﻟﻌﻄﺎﻙ ﻣﻦ ﺍﻟﻠﻪ
ﻣﺤﻚ ﺿﺮﻋﺖ ﺍﻟﺘﻨﺒﺎﻛﺘﻦ ﻣﻨﺒﻠﻪ
ﻧﺒﻲ ﺍﻟﺨﻴﺮ ﺑﻌﺪ ﻣﺎﻧﺎﺟﻪ ﺑﻲ ﺷﻨﻮ ﺍﺩﻟﻪ
